سمجهوتي جي نفسيات: ذاتي مفاد ۽ قومي نقصان

ڇا اسان رڳو فوري ضرورتن لاءِ پنهنجو ضمير ۽ قومي وقار قربان ڪري، پنهنجي ايندڙ نسلن کي مستقل محتاجيءَ جي زنجيرن ۾ جڪڙي رهيا آهيون؟

اسان جي سنڌ ۾ چونڊن جو ماحول ڪنهن اڻ اعلانيل منڊي جهڙو هوندو آهي، جتي هر ووٽر پنهنجي هٿ ۾ هڪ اڌوري فهرست کڻي بيٺو هوندو آهي. ڪنهن کي پٽ لاءِ نوڪري کپي، ڪنهن کي ٿاڻي تي لڙيل تڪرار جو نبيرو گهرجي، ته ڪنهن کي وري پنهنجي ڳوٺ تائين بجليءَ جا ٿنڀا پهچائڻ جو اونو آهي. اسان پنهنجي ووٽ جي پرچيءَ کي قومي تقدير جو فيصلو سمجهڻ بدران، ان کي هڪ اهڙي سڪي طور استعمال ڪندا آهيون جنهن سان رڳو پنهنجي گهر يا گليءَ جي ضرورت خريد ڪري سگهجي. پر ڇا اسان ڪڏهن ان توريءَ تڪ تي غور ڪيو آهي ته اسان جي اها ”ضرورت“ اسان کان ڪهڙي قيمت وصول ڪري رهي آهي؟