ريگستان جو ڳجهو مسافر: اڪيلائيءَ جو فريب

ڇاڇري جي ڀٽن ۾ لڪل هڪ اهڙو ٻوٽو، جيڪو نظر نه ايندڙ رشتن ۽ حيرت انگيز صبر جو زنده مثال آهي.

24 جنوري 2018ع جي اها هڪ عام سياري جي شام هئي، جڏهن مان ٿر جي علائقي ڇاڇري جي ڀرسان وارياسي ڀٽن تي پنڌ ڪري رهيو هئس. پري پري تائين رڳو واريءَ جا خاموش سمنڊ هئا، جن تي واءُ پنهنجا نقش ٺاهي ڊاهي رهي هو. اوچتو، منهنجي نظر هڪ عجيب منظر تي پئي. بلڪل سڃي ۽ خالي ڀٽ جي وچ تي، بغير ڪنهن پن، ٽاريءَ يا سائي رنگ جي، هڪ ڦِڪي رنگ جو گوشتيلو ٻوٽو واريءَ جو سينو چيري سڌو مٿي نڪتل هو. مون حيرانيءَ سان پنهنجي چوڌاري ڏٺو؛ 40 کان 50 فوٽن جي فاصلي تائين ڪنهن ٻئي سائي ٻوٽي يا وڻ جو ڪو به نشان نه هو. ان اڪيلي، ماورائي وجود مون کي اتي ئي بيهڻ ۽ ان جي تصوير ڪڍڻ تي مجبور ڪري ڇڏيو.

ڏسڻ ۾ ايندڙ اڪيلائي ۽ ان جو ڀرم